Aurreko ikasturteetan bezala, Bilbao Ekintzaren instalazioetan dagoen Zabalgune eraikinean Dekorazio Zikloko ikasleek aurrera eraman dituzten proiektuen aurkezpena egin zen. Ikasleek lokal bat dekoratzeko hainbat proposamen garatu dituzte ekintzaile berri batentzat, zehazki, Bilboko erdigunean gozotegi bat egiteko. Ostiralean beren proposamenak aurkeztu zizkioten ekintzaile izango denari, Bilbao Ekintzako arduradunen eta Txurdinaga Behekoa BHIko ikasle eta irakasleen aurrean.
Jarduera Dekorazio Zikloaren eta Bilbao Ekintzaren arteko lankidetza da, oso aberasgarria inplikatutako alde guztientzat, hezkuntzaren eta enpleguaren sustapenaren artean sinergiak sortzen baititu, kasu honetan, gainera, hezkuntza publikoaren eta ekintzailetzako udal zerbitzuen esparruan.
